पर्यटकलाई आकर्षित गर्दै तिम्बुपोखरी
पाँचथर : पाँचथर र ताप्लेजुङको सिमानामा पर्ने तिम्बुपोखरी पर्यटकीय स्थलको रुपमा परिचित छ। पोखरीमा पछिल्लो समय घुम्न जाने पर्यटकको संख्यामा समेत वृद्धि हुन थालेको छ । लेकाली स्थान तथा मानवीय गतिविधि कम हुने हुँदा फूल फुल्ने दुई महिना तिम्बुपोखरी जाने उचित समय मानिन्छ। बर्सेनि कठिन भूगोल छिचोलेर यहाँ पुग्नेको संख्या उल्लेख्य हुन्छ। हिमाली क्षेत्रमा पर्ने तिम्बुपोखरी आफैँमा सुन्दर छ। तिम्बुसँगै जोडिएका अन्य ठाउँ पनि आकर्षक छन्। चट्टानयुक्त पहाडले घेरिएको तिम्बुपोखरी आकर्षक छ। समुद्र सतहदेखि चार हजार ४८० मिटरको उचाइमा रहेको उक्त पोखरीले धार्मिक महत्त्व पनि बोकेको छ। यसलाई विष्णुपोखरीसमेत भनिन्छ। यहाँ पूजा गर्न जानेहरु प्रशस्तै भेटिन्छन्। तिम्बुपोखरीसँगै हिमाली र उच्च…
